नागपूर ः कोरोनाच्या पार्श्‍वभूमीवर शहरात संचारबंदी असून अत्यावश्‍यक सेवेत मोडणारी दुकाने सुरू असली तरी नागरिकांनी घराबाहेर पडू नये, यासाठी शहरातील 45 दुकानदार घरपोच किराणा पोहोचविणार आहे. महापालिका आयुक्त तुकाराम मुंढे यांनी दुकानदारांसोबत चर्चा करून नागरिकांसाठी सुविधा उपलब्ध करून दिली. त्यामुळे नागरिकांना आता फोन करून घरपोच किराणा मिळविता येणार आहे.
महानगरपालिकेअंतर्गत असलेल्या दहाही झोनमधील सुमारे 45 दुकानदारांसोबत आयुक्त मुंढे यांनी चर्चा करून पुढाकार घेतला. नागरिकांनी घराबाहेर पडावे लागू नये म्हणून नागरिकांच्या सोयीसाठी पुढाकार घेणाऱ्या इतर महापालिकेच्या यादीत आता नागपूर महानगरपालिकेचाही समावेश झाला आहे. नागरिकांनी या सेवेचा लाभ घ्यावा, असे आवाहन मुंढे यांनी केले आहे. घरपोच किराणा सामान पोहोचविणाऱ्या दुकानांची यादी परिसराचे नाव आणि मोबाईल क्रमांकासह मनपाच्या अधिकृत फेसबुक पेजवर उपलब्ध आहे. या सुविधेचा लाभ ज्येष्ठ नागरिकांना मोठ्या प्रमाणात होणार असला तरी नागरिकांना घराबाहेर पडण्याचा मोह टाळता येणार आहे. त्यामुळे पोलिसांना उत्तरे देताना नाकीनऊ आलेल्यांनाही मोठा दिलासा मिळणार आहे.
सविस्तर वाचा - तुकाराम मुंढेंचे आदेश, रस्त्यावर भटकणाऱ्यांना बेघर निवाऱ्यात आसरा
या दुकानांमधून मिळणार घरपोच सेवा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.