मनोज जरांगे पाटील यांच्या मराठा समाजाला ओबीसी कोट्यातून आरक्षण देण्याच्या मागणीला विरोध करण्यासाठी राष्ट्रीय ओबीसी महासंघाने आक्रमक पवित्रा घेतला आहे. नागपूर येथे राष्ट्रीय ओबीसी महासंघाचे अध्यक्ष डॉ. बबनराव तायवाडे यांच्या उपस्थितीत झालेल्या राज्यव्यापी बैठकीत पुढील आंदोलनाची दिशा ठरविण्यात आली. या बैठकीत ऑफलाइन आणि ऑनलाइन पद्धतीने राज्यभरातील प्रमुख पदाधिकारी सहभागी झाले. मराठा समाजाला ओबीसी कोट्यातून आरक्षण देण्याच्या मागणीला तीव्र विरोध करत, महासंघाने आंदोलनाची रणनीती आखली आहे.