नागपूर - बुद्ध पौर्णिमेला (ता. १२) लख्ख चंद्र प्रकाशात, जंगलात वन्यजीव पाणवठ्यावर येतात. पेंच व्याघ्र प्रकल्पातील बफर क्षेत्र आणि उमरेड- कऱ्हांडला अभयारण्यात पाणवठ्यावर येणाऱ्या वन्यजीवांची नोंदणी मचाणावर बसून करण्यात आली. त्यात वाघ, बिबट्यासह ९९४ वन्यप्राणी आढळले. या प्रगणनेत ५४३ वन्यप्राणी तर ४५१ पक्ष्यांची नोंद झाली.
प्रगणनेत नागपूर, भंडारा, गोंदिया, छिंदवाडा, शिवनी, बालाघाट या जिल्ह्यांमधील विविध ठिकाणचे स्वंयसेवक व वन्यप्रेमी सहभागी झाले होते.