नागपूर : सीताबर्डी मार्केटमध्ये (sitabuldi market nagpur) आता स्ट्रीट शॉपिंग (street shopping nagpur) आणखी सुलभ होणार असून नागरिकांना खरेदीचा आनंद लुटता येणार आहे. स्मार्ट सिटीअंतर्गत (smart city project nagpur) हॉकर्सना मुख्य रस्त्यावर जागा नियोजित करून देण्यात येणार असून वाहनांवर बंदी लावण्यात येणार आहे. व्हेरायटी चौकापासून (variety square nagpur) ३०० मीटरपर्यंत हा उपक्रम राबविण्यात येणार असून येथे हा प्रयोग यशस्वी झाल्यानंतर महाल बाजारपेठेतही अंमलबजावणी केली जाणार आहे.
सीताबर्डी शहराचे मध्यवर्ती ठिकाण असून प्रमुख बाजारपेठही आहे. येथे शहरातीलच नव्हे तर विदर्भातील नागरिक खरेदीसाठी येतात. या बाजारपेठेला नवे स्वरूप देण्यासाठी ‘नागपूर स्मार्ट ॲण्ड सस्टेनेबल सिटी डेव्हलपमेंट कॉर्पोरेशन लिमिटेड’ने कंबर कसली आहे. येथे खरेदीसाठी येणाऱ्या नागरिकांना खरेदीचा आनंद लुटण्यासाठी बाजाराचा ‘लूक’ बदलण्यात येणार असून सुरक्षेचे दृष्टीनेही उपाययोजना करण्यात येणार आहेत. केंद्र सरकारच्या गृह निर्माण व शहरी विकास मंत्रालयाच्या निर्देशानुसार पुरस्कार प्राप्त डिझाईनची चाचणी करण्यासाठी सीताबर्डी मार्केटमध्ये महापौर दयाशंकर तिवारी आणि मनपा आयुक्त राधाकृष्णन बी. यांच्या हस्ते ‘स्ट्रीट फॉर पीपल’ उपक्रमाला सुरुवात करण्यात आली. पुढील १५ दिवस स्मार्ट सिटीच्या वतीने प्रायोगिक तत्त्वावर व्हेरायटी चौकापासून ३०० मीटरपर्यंत या उपक्रमाची अंमलबजावणी केली जाणार आहे.
१५ दिवस लुटा मजा! -
नागरिकांना शॉपिंगचा मुक्त आनंद घेता यावा म्हणून पुढील १५ दिवस व्हेरायटी चौकापासून ३०० मिटर अंतरापर्यंत असलेल्या ‘स्ट्रीट शॉपिंग’ मध्ये नागपूरकरांना शॉपिंगचा मनसोक्त आनंद लुटता येणार आहे.
महाल, ट्रॅफिक पार्क, सक्करदरा स्ट्रीटचेही खुलणार वैभव -
सीताबर्डी येथील उपक्रमाला यश मिळाल्यानंतर महाल बाजारपेठेतही हा उपक्रम राबविण्यात येणार आहे. नेबरहूड साईटसाठी ट्रॅफिक पार्क आणि सक्करदरा तलाव स्ट्रीटची निवड करण्यात आली आहे. या बाजारांत वाहनांना बंदी राहणार असल्याने नागरिकांना प्रदूषणमुक्त वातावरणात स्ट्रीट शॉपिंगचा आनंद लुटता येणार आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.