मोदींबद्दल अश्लाघ्य भाषेत विधान; काँग्रेस नेत्याविरोधात गुन्हा दाखल

पंतप्रधान मोदी यांच्या विरोधात आक्षेपार्ह भाषेत टिप्पणी केल्याप्रकरणी नागपुरात एका काँग्रेस नेत्याविरोधात एफआयआर दाखल करण्यात आला आहे. यामुळे काँग्रेस नेते शेख हुसेन हे अडचणीत आले असून त्यांच्याविरोधात कलम २९४ (अश्लिल कृत्य आणि गाणी) तसंच ५०४ (शांतता भंग करण्याच्या उद्देशाने अपमानजनक टिप्पणी करणे) या कलमांतर्गत गुन्हा दाखल कऱण्यात आला आहे. (FIR against Maharashtra Congress leader for derogatory remarks about PM Modi)

शेख हुसेन हे नागपूर काँग्रेसचे (Nagpur Congress) माजी अध्यक्ष आहेत. राहुल गांधी (Congress leader Rahul Gandhi) यांच्या ईडी चौकशीवरुन सध्या काँग्रेस आक्रमक झाली आहे. या आंदोलनात सहभागी झालेले असताना शेख हुसेन यांनी पंतप्रधान मोदींवर (PM Narendra Modi) आक्षेपार्ह शब्दांत टिप्पणी केली. त्यामुळे नागपूर भाजपाने तक्रार दाखल केली आहे.

दरम्यान, काँग्रेस अध्यक्षा सोनिया गांधी आणि काँग्रेस नेते राहुल गांधी यांच्यावर नॅशनल हेराल्ड गैरव्यवहार प्रकरणात (National Herald Money Laundering case) ईडी कारवाई करण्यात आली आहे. आज सलग तिसऱ्या दिवशी राहुल गांधींची चौकशी सुरू आहे. त्यामुळे देशभरात काँग्रेस आक्रमक झाली आहे. देशभरात विविध ठिकाणी आंदोलनं सुरू आहेत.