चेतक हत्तीमारे
साकोली : तालुक्यातील मुंडीपार येथील भेल प्रकल्पाचे ११ वर्षांपूर्वी थाटामाटात उद्घाटन करण्यात आले. मात्र, प्रकल्पाचे काम कधीही सुरूच झाले नाही. त्यामुळे भंडारा व गोंदिया जिल्ह्यांतील युवकांना रोजगार मिळवून देण्याचे आश्वासन दिवास्वप्न ठरले. सुशिक्षित युवकांसाठी पूर्व विदर्भात रोजगार निर्मिती होत नसल्याने बेरोजगारीचा प्रश्न तीव्र आहे. राजकीय नेत्यांनी भेलवरून आरोप-प्रत्यारोप करीत प्रकल्पाची भेलपुरी करून टाकली, असा संताप नागरिकांमधून उमटतो.