Crime : आईवडील शेतात गेल्यावर ते दोघेजण घरात भेटायचे अन् त्याचवेळी...

नागपूर : एका अल्पवयीन मुलाचे त्याच्यापेक्षा एका वर्षाने मोठ्या असलेल्या आणि त्याच्याच सख्ख्या बहिणीच्या मैत्रीणीवर प्रेम जडले आणि त्या प्रेमप्रकरणातून ती अल्पवयीन मुलगी गर्भवती राहिल्याचा प्रकार समोर आला आहे. ही घटना नागपूर येथील मौदा पोलीस स्टेशनच्या हद्दीत घडल्याची माहिती आहे.

पोलिसांनी दिलेल्या माहितीनुसार, पीडित मुलगी आणि मुलगा एकाच गावातील असून पीडित मुलगी ही आठवीत शिकते आणि मुलगा सातवीत शिकतो. मुलगी दररोज शाळेत जाताना आपल्या मैत्रिणीच्या घरी जायची त्यावेळी सातवीत असलेल्या तिच्या मैत्रिणीचा भाऊ त्याला दिसायचा. यावेळी त्यांची मैत्री झाली आणि नंतर या मैत्रीचे रूपांतर प्रेमात झाले.

या दोघांचे एकमेकांवर प्रेम जडल्यावर ते दोघेही कोणत्यातरी बहाण्याने एकमेकांच्या घरी जायचे. पण एकदा मुलगी मुलाच्या घरी आली असता मुलाची बहिण आणि घरचे शेतात गेले होते. त्यावेळी घरी कुणी नसल्याचा फायदा घेत या दोघांनी शारिरीक संबंध प्रस्थापित केले. त्यानंतरही घरचे शेतात गेल्यावर या दोघांनी सारखे शारिरीक संबंध ठेवले.

यातून या मुलीला गर्भधारणा झाली. एके दिवशी तिच्या पोटात दुखू लागल्याने आईने तिला दवाखान्यात नेले. पण तपासणीतून मुलगी चार महिन्यांची गर्भवती असल्याचं कळालं. हे कळताच आईने आपल्या मुलीला कानाखाली मारली. त्यानंतर घरी येऊन विचारणा केली असता मुलीने या मुलाबद्दल सांगितलं.

त्यानंतर मुलीच्या कुटुंबियाने मुलाविरोधात पोलिसांत तक्रार दाखल केली असून मुलावर बलात्काराचा गुन्हा दाखल करण्यात आला आहे. मुलाला सध्या बालसुधारगृहात ठेवलं असल्याची माहिती पोलिसांनी दिली आहे.