ठाकरे समिती करणार स्टेशनरी घोटाळ्याची चौकशी |Nagpur Stationery scam | Sakal
sakal

बोलून बातमी शोधा

Nagpur Municipal Corporation

ठाकरे समिती करणार स्टेशनरी घोटाळ्याची चौकशी

नागपूर : महापालिकेतील स्टेशनरी व इतर साहित्य खरेदी घोटाळ्याच्या चौकशीसाठी महापौर दयाशंकर तिवारी(mayor dayashankar tiwari) यांनी सत्तापक्ष नेते अविनाश ठाकरे यांच्या अध्यक्षतेत समिती गठीत केली होती. या समितीवर प्रशासनाने आज शिक्कामोर्तब केले. त्यामुळे पुढील महिनाभरात ही समिती स्टेशनरी घोटाळ्यातील(Stationery scam ) वास्तव शोधून काढणार आहे. महापालिकेतील ६७ लाखांच्या स्टेशनरी घोटाळ्यावर विरोधी पक्षनेते तानाजी वनवे व माजी स्थायी समिती अध्यक्ष पिंटू झलके यांनी घोटाळ्यावर चर्चेसाठी सभागृहात स्थगन प्रस्ताव दिला. यावर सभागृहात जोरदार चर्चा झाली.

ठाकरे समिती करणार चौकशी

मंजुरीसाठी तेरा दिवसांचा अवधी लागला. आज अविनाश ठाकरे (avinash thakrey)यांच्या अध्यक्षतेतील समितीवर प्रशासनावर शिक्कामोर्तब केले. या समितीत अध्यक्ष अविनाश ठाकरे यांच्याशिवाय विरोधी पक्षनेते तानाजी वनवे, बसपाच्या नगरसेविका वैशाली नारनवरे, भाजपचे ज्येष्ठ नगरसेवक व माजी स्थायी समिती सभापती संदीप जाधव, स्थायी समितीचे सदस्य ॲड. संजय बालपांडे यांचा समावेश आहे. या घोटाळ्यात दोन मनपा कर्मचाऱ्यांसह पाच जण अटकेत आहे. या घोटाळ्याने महापालिकेतील आर्थिक अनियमतता चव्हाट्यावर आली.

ही समिती उद्यापासूनच कामकाज सुरू करणार आहे. या घोटाळ्यात काही वरिष्ठ अधिकाऱ्यांचीही विभागीय चौकशी सुरू आहे. ठाकरे समिती वास्तव शोधणार आहे. त्यामुळे आता या समितीच्या अहवालाकडे लक्ष लागले आहे. या समितीत निवृत्त न्यायाधीश, निवृत्त अंकेक्षकाची नियुक्ती करण्याचा अधिकारही महापौरांनी समितीला दिला आहे. त्यामुळे चौकशी समितीत निवृत्त न्यायाधीशाचा(retired judge) समावेश कधी होणार? याकडेही लक्ष लागले आहे.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top