नागपूर - मोबाइल लपविण्याची मस्करी केल्याने निर्माण झालेल्या वादातून एका मित्राने दुसऱ्या मित्राच्या डोक्यावर दांड्याने वार करून ठार केले. ही घटना सोमवारी (ता.१५) सायंकाळी पावणेसात वाजताच्या सुमारास पारडी पोलिस ठाण्याच्या हद्दीतील एनआयटी गार्डनजवळ उघडकीस आली.
जितेंद्र ऊर्फ जितू राजू जयदेव (वय ४०, रा. भीम चौक, हिवरीनगर) असे मृताचे नाव असून ईतवारीदास शिवदास माणिकपुरी (वय ३५, रा. नविननगर, पारडी) असे आरोपीचे नाव आहे. पोलिसांनी दिलेल्या माहितीनुसार, दोघेही हातमजुरीचे काम करतात.
सोमवारी सायंकाळच्या सुमारास जितेंद्र हे ईतवारीदास याला भेटण्यासाठी एनआयटी गार्डनजवळ आले. काही वेळाने ईतवारीदास याचा मोबाइल दिसला नाही. त्याने जितेंद्रला कुठलीही मस्करी करू नको म्हणून मोबाइल परत देण्याची मागणी केली.
मात्र, जितेंद्रने मोबाइल घेतला नसल्याचे सांगितले. त्यावरून दोघांत वाद झाला. यातून जितेंद्रने त्याच्या कानशिलात लगावली. यावरून ईतवारीदास याने त्याला बघून घेण्याची धमकी देत, निघून गेला. तो निघून गेल्यावर जितेंद्र परिसरात खुर्चीवर बसला.
यादरम्यान मागून येऊन ईतवारीदास याने त्याच्या डोक्यात लाकडी दांड्याने दोन ते चार वार केले आणि पळून गेला. या हल्ल्याने जितेंद्र गंभीर जखमी झाला. त्याला परिसरातील नागरिकांनी मेयो रुग्णालयात नेले. तिथे डॉक्टरांनी तपासून त्याला मृत घोषित केले.
याचा माहिती पारडी पोलिसांना मिळताच, त्यांनी घटनास्थळी दाखल होऊन तपास सुरू केला. याप्रकरणी गुन्हा दाखल करून ईतवारीदास याला अटक केली. पोलिस या प्रकरणाचा तपास करीत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.