Nagpur Accident: बारावीच्या पेपरला जाताना काळाचा घाला; टिप्परच्या धडकेत बाप-लेकीचा मृत्यू

उमरेड : बारावीचा मराठीचा पेपर देण्यासाठी निघालेल्या विद्यार्थिनीवर आणि तिला केंद्रावर सोडण्यासाठी जाणाऱ्या तिच्या वडिलांवर काळाने घाला घातला. टिप्परने दुचाकीला जोरदार धडक दिल्याने या बाप-लेकीचा मृत्यू झाला. गुरुवारी (ता. १२) सकाळच्या सुमारास उमरेड-मोहपा मार्गावर ही हृदयद्रावक घटना घडली. घटनेनंतर संतप्त जमावाने टिप्पर पेटवून देत रोष व्यक्त केला.