Washim to Nagpur Railway Bypass via Akola: अकोला-पूर्णा मार्गावरील रेल्वे गाड्यांना नागपूरकडे जाण्यासाठी अकोला रेल्वे स्थानकावर बायपास मार्ग तयार केला जाणार आहे. त्यासाठी अंतिम सर्वेक्षणाला रेल्वे मंत्रालयाने मंजुरी दिली असून, त्यासाठी निधीही मंजूर केला आहे.
अकोला रेल्वे स्थानकावर भुसवाळकडे जाणाऱ्या गाड्यांसाठी थेट मार्ग आहे. मात्र, वाशीमकडून येणाऱ्या व नागपूकडे जाणाऱ्या गाड्यांसाठी थेट मार्ग नसल्याने अकोला रेल्वे स्थानकावर इंजन बदलण्यासाठी गाड्यांना दीर्घ थांबा घेणे आवश्यक आहे. त्यासाठी अकोला रेल्वे स्थानकावर वाशीमहून येऊन नागपूरच्या दिशेने जाणाऱ्या गाड्यांसाठी बायपास रेल्वे लाईनला मंजुरी देण्यात आली आहे.
त्यासाठी अंतिम सर्वेक्षण केले जाणार असून, त्याकरिता आठ किलोमीटर नवीन रेल्वे मार्ग तयार केला जाणार आहे. अंतिम सर्वेक्षणाकरिता रेल्वे मंत्रालयाने दक्षिण मध्ये रेल्वे विभागाला १६ लाखांचा निधी मंजूर केला आहे. हा बायपास तयार झाल्यानंतर नागपूर, अमरावतीहून पंढरपूर, कोल्हापूर, संभाजीनगर, नांदेड, जालना आदी शहरांकडे जाणाऱ्या व येणाऱ्या गाड्यांना अकोला रेल्वे स्थानकावर दीर्घ थांबा घेण्याची व लोकोमोटीव्ह रिव्हर्सलची गरज पडणार नाही. (Latest Marathi News)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
