Crime: नाली साफ करताना महापालिकेच्या दोन कर्मचाऱ्यांवर तलवारीने हल्ला; एका कर्मचाऱ्याचे बोट कापले

दिवसाढवळ्या मनपा कर्मचाऱ्यांवर सशस्त्र हल्ला
crime
crimeesakal

नागपूर: पावसाळी नाली स्वच्छतेची कामे करीत असताना महापालिकेच्या दोन कर्मचाऱ्यांवर तिघांनी गुप्ती व तलवारीने हल्ला केला. यात एका कर्मचाऱ्याचे बोट कापले तर एका कर्मचाऱ्याच्या हाताला दुखापत झाली.

कर्मचाऱ्यांनी स्वतःचा बचाव करीत पोलिस स्टेशन गाठले. अंबाझरी पोलिसांनी तिन्ही आरोपींना ताब्यात घेतल्याचे माहिती धरमपेठ झोनचे सहायक आयुक्त प्रकाश वराडे यांनी दिली.

महापालिकेच्या धरमपेठ झोनमधील लोककर्म विभागाचे सातपुते व आरोग्य विभागाचे विक्रम चव्हाण यशवंतनगर परिसरात जेसीबीच्या सहाय्याने पावसाळी नाली स्वच्छ करीत होते.

crime
Crime: रेल्वे स्थानकावरून मुलीचे अपहरण करून रायपूरला जाणाऱ्या आरोपीला अटक

दिवसाढवळ्या मनपा कर्मचाऱ्यांवर सशस्त्र हल्ला

दुपारी दोन वाजताच्या सुमारास स्वच्छतेचे काम करीत असताना अंबाझरी टेकडी येथील रहिवासी आरोपी समीर दुपारे, पीयूष काळबांडे, शैलेश ब्राह्मणे हे तिघे दारूच्या नशेत आले. त्यांनी मनपा कर्मचारी सातपुते व चव्हाण यांना शिवीगाळ केली.

यावरून वाद झाला. तिघेही आरोपी परत गेले अन् तलवार, गुप्ती अशी धारदार शस्त्रे घेऊन आले. त्यांनी सातपुते व चव्हाण यांच्यावर अचानर हल्ला केला. सातपुते व चव्हाण यांनी स्वतःला वाचविण्याचा प्रयत्न केला.

crime
Crime News : पुणे रेल्वे स्थानकावरून अपहरण झालेले बाळ तब्बल १२ दिवसांनी सापडले

हल्ल्यात सातपुते यांच्या हाताचे बोट कापले गेले तर चव्हाण यांच्या डाव्या हाताला मार लागला. दोन्ही घाबरलेल्या कर्मचाऱ्यांनी अंबाझरी पोलिसांकडे धाव घेतली. पोलिसांना त्यांनी घटनेची माहिती दिली. कर्मचाऱ्यांनी पोलिसांना दिलेल्या माहितीनुसार आरोपीची ओळख पटली.

अंबाझरी पोलिसांनी आरोपींना तत्काळ ताब्यात घेतले. जखमी सातपुते व चव्हाण यांना मेडिकलमध्ये दाखल करण्यात आले. या घटनेने महापालिका कर्मचाऱ्यांत भीतीचे वातावरण आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com