'त्या' १६ सदस्यांमध्ये तीनही पक्षांच्या गटनेत्यांचा समावेश, आता गटनेतेपदी कोणाची वर्णी?

who is the group leader of bjp congress and ncp in nagpur zp
who is the group leader of bjp congress and ncp in nagpur zp

नागपूर : सर्वोच्च न्यायालयाच्या आदेशामुळे जिल्हा परिषदेमधील ओबीसी वर्गातील १६ सदस्यांचे पद रिक्त झाले. यात काँग्रेस, राष्ट्रवादी व भाजप या तीनही पक्षांच्या गटनेत्यांचा समावेश आहे. त्यामुळे त्यांच्या जागी कुणाची वर्णा लागते, याकडेच सर्वांचे लक्ष लागले आहे. अनेकजण पदासाठी इच्छुक असल्याची चर्चा आहे. 

जिल्हा परिषदेची अर्थसंकल्पीय सभा १६ मार्चला आयोजित केली आहे. पक्षाकडून सदस्यांसाठी काढण्यात येणारे व्हीप गटनेत्यांच्या नावे काढण्यात येते. त्यामुळे सभेच्या आधीच गटनेत्याची नियुक्ती किंवा तात्पुरती नियुक्ती करावी लागणार असल्याची चर्चा आहे. या पदासाठी सर्वच पक्षांत अनेक जण उत्सुक असल्याचे सांगण्यात येते. काँग्रेसमध्ये ज्येष्ठ सदस्य म्हणून नाना कंभाले व शांता कुमरे यांचे नाव आघाडीवर आहे. उपाध्यक्षपद मनोहर कुंभारे यांच्याकडे देण्यात आले असताना गटनेतेपदही त्यांच्याकडे होते. महत्त्वाचे पद न मिळाल्याने नाना कंभाले नाराज असल्याची चर्चा होती. उपाध्यक्षपदासाठी ते इच्छुक असल्याचे सांगण्यात येते. विशेष म्हणजे, ते मंत्री केदार गटाचे नसल्याचे सांगण्यात येते. शांता कुमरे याही ज्येष्ठ आहेत. असे असताना कोणत्याही प्रकारचे पद न मिळाल्याने त्यांनी उघडपणे नाराजी व्यक्त केली होती. 

राष्ट्रवादी काँग्रेसकडून गृहमंत्री अनिल देशमुख यांचे पुत्र सलील देशमुख व माजी मंत्री बंग यांचे पुत्र दिनेश बंग यांच्यापैकी एकाची नियुक्ती होण्याची शक्यता आहे. चंद्रशेखर कोल्हे हे देशमुख गटाचे आहेत. भाजपचे गटनेते अनिल निधान यांनाही न्यायालयाच्या निर्णयाचा फटका बसला आहे. भाजपकडून कैलास बरबटे, सुभाष गुजरकर, व्यंकट कारेमोरे यांच्या नावावर चर्चा होण्याची शक्यता आहे. 
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com