opposition party agitation for farmers issue
sakal
नागपूर - हिवाळी अधिवेशनाच्या दुसऱ्या दिवशी मंगळवारी (ता. ९) विधानभवन परिसरात विरोधकांनी शेतकऱ्यांच्या प्रश्नांवर सरकारला घेरत तीव्र आंदोलन छेडले. कर्जमाफीची अंमलबजावणी, कापूस व सोयाबीनला भाव तसेच शेतकरी आत्महत्यांवर प्रभावी उपाययोजना या मागण्यांसाठी विरोधकांनी विधिमंडळ परिसरात मोर्चा काढून पायऱ्यांवर आंदोलन केले. यावेळी विरोधकांनी सरकारच्या विरोधात घोषणाबाजी केली.