दारू पिऊन आरामाच्या तयारीत असताना 'त्यानं' काढलं रात्रपाळीचं फर्मान अन् घडला मृत्यूचा भयंकर थरार  

workers attacked their boss in Nagpur Crime News
workers attacked their boss in Nagpur Crime News

नागपूर ः रात्रपाळीत ड्युटी लावण्याच्या वादातून मजुरांनी चाकूने भोसकून मोकादमाची हत्या केली. एमआयडीसी हद्दीत गुरुवारी रात्री ही घटना घडली. याप्रकरणी तीन आरोपींना अटक करण्यात आली.

सम्हारू अवधू हरिजन (६०) रा. रुद्रपूर, जिल्हा देवरिया उत्तरप्रदेश असे मृताचे तर दिनेशकुमार लाला (२३), बजरंगी लालचंदप्रसाद गौतम (२१) आणि सुशीलकुमार दीपचंद गौतम (१९) तिघेही रा. मोहम्मदपूर, जिल्हा शहाजानगूर उत्तर प्रदेश अशी आरोपींची नावे आहेत. पोलिसांनी दिलेल्या माहितीनुसार, मृत व आरोपी मेट्रोच्या कामावर केबल टाकण्याची व अन्य कामे करायचे. आरोपी मजूर म्हणून कामाला आहेत तर मृतक कामगारांची ड्युटी लावायचा. 

सध्या गांधीबाग परिसरात ते कामाला होते आणि काम आटोपल्यावर सोबतच रहायचे. आरोपींनी दिवसपाळीत काम केले. श्रमपरिहार त्यांनी दारू प्यायले. जेवण करून आराम करण्याच्या बेतात असताना रात्री आठच्या सुमारास सम्हारू याने रात्रपाळीतही कामावर जाण्याचे फर्मान सोडले. यामुळे तिन्ही आरोपी चिडले. त्यांनी दिवसभराच्या कामाने थकल्याचे कारण पुढे करीत कामावर जाण्यास नकार दिला. पण, सम्हारू याने कामावर जावेच लागेल, असा हट्ट धरत शिवीगाळ सुरू केली. 

यामुळे आरोपी अधिकच चिडले. त्यांनी सम्हारूला बेदम मारहाण केली. दिनेशकुमार याने संतापाच्या भरात जवळचा चाकू काढून सम्हारूच्या छातीवर वार केला. सम्हारू रक्ताच्या थारोळ्यात कोसळून तिथेच गतप्राण झाला. घटनेनंतर आरोपी पसार झाले. माहिती मिळताच एमआयडीसी पोलिसांचा ताफा घटनास्थळी दाखल झाला. पोलिसांनी खुनाचा गुन्हा दाखल करीत आरोपींचा शोध सुरू केला. 

आरोपी पळून जाण्याची शक्यता असल्याने पोलिसांनी मागोवा काढला असता ते जबलपूरला पळून जात असल्याची माहिती मिळाली. त्याआधारे पोलिसांनी तिन्ही आरोपींना ताब्यात घेतले. 

संपादन - अथर्व महांकाळ 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com