Karanja Accident : मांजाने चिरला युवकाचा गळा, ३३ वर्षीय दुचाकीस्‍वार जखमी

कारंजा : दुचाकीने प्रवास करीत असताना एका व्यक्तीचा पतंगाच्या मांजाने गळा चिरला. ही घटना रविवारी ८ डिसेंबर रोजी सायंकाळी ५ वाजताच्या दरम्यान कारंजा तुळजापूर मार्गावर घडली. .दिलीपराव नवरे वय ३३ वर्ष असे गळा चिरलेल्या व्यक्तीचे नाव असून ते कारंजा येथील गुरुमंदिर परिसरातील रहिवासी असल्याची माहिती प्राप्त झाली आहे. ते आपल्या तुळजापूर येथे काही कामानिमित्त गेले होते तेथून दुचाकीने परतत असताना रस्त्यालगतच्या खुल्या जागेत काही मुले पतंग उडवीत असताना त्यातील एका पतंगाच्या मांजाचा त्यांच्या गळ्याला फास बसला. .त्यामुळे गळा चिरल्याने मोठी जखम झाली. त्यानंतर त्यांना उपचारासाठी शहरातील एका खासगी दवाखान्यात दाखल करण्यात आले. तेथे त्यांच्या गळ्याला नऊ टाके लागले. सध्य परिस्थिती त्यांची प्रकृती स्थिर असून त्यांचे वर उपचार सुरू असल्याची माहिती सूत्रांनी दिली आहे..बंदी असतानाही शहरात नायलॉन मांजाची विक्रीमागील काही दिवसात नायलॉन माझ्यामुळे गळाचीरल्याने अनेक जण जखमी झाल्याच्या घटना घडल्यात. त्यामुळे नायलॉन मांजा विक्रीवर बंदी घालण्यात आली. असे असतानाही शहरात सर्रास नायलॉन मांज्याची विक्री सुरू असल्याचे दिसून येत आहे..पुढील महिन्यात मकर संक्रांती असल्याने आणि त्यानिमित्त मोठ्या प्रमाणात पतंग उडविण्याची प्रथा असल्याने या काळात या घटनात आणखी वाढ होण्याची शक्यता नाकारता येत नाही. त्यामुळे शहरातील नायलॉन मांजाच्या विक्रीवर बंदी घालण्यात यावी अशी मागणी आता पुढे येत आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.