उमरेडमध्ये तरुणाचा खून!

उमरेड - शहरात शनिवारी शुभम भोजराज दमडू (वय २५) हा युवक मृतावस्थेत आढळल्याने खळबळ उडाली. घटनेची वार्ता वाऱ्याच्या वेगाने पसरल्याने घटनास्थळी बघ्यांची प्रचंड गर्दी उसळली.

घटनेची माहिती उमरेड पोलिसांना कळताच उपविभागीय पोलीस अधिकारी भीमराव टेळे, पोलिस निरीक्षक प्रमोद घोंगे ताफा घेऊन दाखल झाले. त्यानंतर पोलिसांनी गर्दी नियंत्रणात आणून तपास सुरू केला. खुनाचे कारण अद्याप अस्पष्ट असून तरुणाचा मारेकरी कोण हेदेखील स्पष्ट झाले नाही. मृतदेह ताब्यात घेऊन ग्रामीण रुग्णालयात शवविच्छेदनासाठी पाठविण्यात आला असून पुढील तपास उमरेड पोलिस करीत आहेत.