अभिमानास्पद! एकाच दिवशी झेपावणार शंभर उपग्रह; इंडिया रेकॉर्ड, आशिया रेकॉर्डसह वर्ल्ड रेकॉर्ड होणार प्रस्थापित

मांजरखेड (जि. अमरावती) : सूर्य, चंद्र, तारे, ग्रह व उपग्रहांचा अभ्यास म्हणजे खरं तर सर्वसामान्य विद्यार्थ्यांच्या आवाक्याबाहेरचा विषय. पण, विद्यार्थ्यांचे हेच स्वप्न सत्यात उतरणार आहे. डॉ. अब्दुल कलाम इंटरनॅशनल फाउंडेशन रामेश्वरमद्वारा राज्यातील एक हजार विद्यार्थ्यांच्या माध्यमातून शंभर उपग्रहांची निर्मिती करून वातावरणाचा अभ्यास केला जाणार आहे. रामेश्वरातील या अभिनव प्रयोगामुळे सात फेब्रुवारी २०२१ रोजी एकाच दिवशी इंडिया रेकॉर्ड, आशिया रेकॉर्डसह वल्र्ड रेकॉर्ड प्रस्थापित होणार आहे.

राज्यातील एक हजार विद्यार्थ्यांना ही संधी उपलब्ध होणार आहे. यामध्ये तीन गटातील विद्यार्थ्यांना सहभागी होता येणार आहे. पहिला गट इयत्ता ५ ते ८, दुसरा इयत्ता ९ ते १२ तर तिसरा डिप्लोमा, बी.एस सी, इंजिनिअरिंगचा आहे. विद्यार्थ्यांना स्पेस टेक्नॉलॉजी, उपग्रह तसेच पर्यावरणाचा अभ्यास व्हावा हा यामागील उद्देश आहे.

जाणून घ्या - काम करताना लघुशंकेसाठी गेलेली महिला परतलीच नाही; आरडाओरड होताच बसला धक्का

निवड झालेल्या विद्यार्थ्यांना इस्त्रोतील तज्ज्ञ व्यक्तीद्वारा २ ते ७ जानेवारी ऑनलाईन प्रशिक्षित केले जाणार आहे. यानंतर मुलांनी मिळविलेल्या ज्ञानाचे प्रात्यक्षिक नागपूर, पुणे व मुंबई येथे करवून घेतले जाणार आहे.

या मिशनअंतर्गत शंभर उपग्रह बनवून हेलियम बलूनद्वारे अवकाशात झेपावणार आहे. त्यामुळे स्पेस रिसर्च पेलोड क्युब्ज प्रकारचा उपग्रह म्हणजे काय?, त्याचे विविध भाग कुठले?, त्यांचे कार्य कसे चालते?, हेलियम बलून म्हणजे काय?, या प्रकारचे उपग्रहाचे बाहेरील कवच कुठल्या वस्तूंचा वापर करून बनवतात?, या उपग्रहात कुठले सेन्सर असतात?, कुठले सॉफ्टवेअर कसे काम करते? याची सर्व माहिती शालेय विद्यार्थ्यांना मराठीमधून दिली जाणार आहे. जगात सर्वांत कमी वजनाचे शंभर उपग्रह बनवून ३५ हजार ते ३८ हजार मीटर उंचीवर नेऊन तेथून प्रत्यक्ष वातावरणातील ओझोन स्तरापासून सर्वच स्तरावरील माहिती संकलित केली जाणार आहे.

क्लिक करा - पवित्र नात्याला काळिमा! सासऱ्याने केला सुनेवर अत्याचार; नातवाला जीवे मारण्याची दिली धमकी

विद्यार्थी ठरणार विश्वविक्रमी

शालेय स्तरावरील विद्यार्थ्यांमध्ये जिज्ञासा, वैज्ञानिक दृष्टिकोन विकसित होऊन भविष्यातील यशस्वी वैज्ञानिक होण्यासाठी ही पायाभरणी आहे. एकाच ठिकाणाहून शंभप उपग्रह तेही एकाच ठिकाणाहून हा खरंतर वेगळाच विश्वविक्रम आहे. केवळ २४ तासात हे उपग्रह परत येऊन समुद्रात उतरविले जाणार आहेत. त्यामुळे विद्यार्थ्यांचा उपग्रहाचा अभ्यास होणार आहे, शिवाय ते विश्वविक्रमाचे मानकरी ठरणार असल्याचे ज्ञान फउंडेशनचे संस्थापक अध्यक्ष तथा अब्दुल कलाम फउंडेशनचे समन्वयक युवा शास्त्रज्ञ अजिक्य कोत्तावार यांनी सांगितले.

संपादन - नीलेश डाखोरे