पत्नीनेच केला पतीचा भंडाफोड : अनाथ मुलास वाईट दृश्‍य बघण्यास करायचा बाध्य

अमरावती : आई-वडील नसल्यामुळे इतरांच्या मदतीने राहणाऱ्या १६ वर्षीय अल्पवयीन अनाथ मुलास एकाने वाईट दृश्‍य बघण्यासाठी बाध्य केले. ही खळबळजनक घटना खोलापुरीगेट ठाण्याच्या हद्दीत घडली. रविवारी संशयित आरोपीला सायंकाळी खोलापुरीगेट पोलिसांनी अटक केली. सोमवारी अटक संशयित आरोपीस न्यायालयासमोर हजर केले जाईल, असे पोलिस निरीक्षक पंकज तामटे यांनी सांगितले.

आई-वडिलांच्या मृत्यूनंतर मुलाचे पालनपोषण करणारे दुसरे कुणीच नसल्यामुळे विवाहित दाम्पत्याकडे तो राहत होता. सांगेल ते कामही करायचा. परंतु, त्याचा गैरफायदा घेण्याचे काम घरातील पुरुषाने सुरू केले. सदर व्यक्ती हा पत्नीसोबत एकांतात असताना त्याठिकाणी अल्पवयीन अनाथ मुलास नेऊन नको त्या गोष्टी पाहण्यासाठी बाध्य करीत होता, असा आरोप खोलापुरीगेट ठाण्यात दाखल तक्रारीत संशयित आरोपीच्या पत्नीनेच केला.

जाणून घ्या - महाशिवरात्रीनिमित्त दर्शनासाठी गेले, आंघोळ केली अन् एकुलता एक मुलगा बुडाला

अनाथ मुलाने ज्यांच्यावर विश्‍वास टाकला त्याच कुटुंबातील पुरुषाने असे चुकीचे कृत्य करण्यासाठी त्याला बाध्य केले, असा आरोप संशयित आरोपीच्या पत्नीने खोलापुरीगेट ठाण्यात दाखल तक्रारीत केला. पतीच्या कृत्याचा पत्नीनेच एकप्रकारे भंडाफोड केला. महिलेच्या तक्रारीवरून पोलिसांनी पतीविरुद्ध विनयभंगाचा गुन्हा दाखल केला आहे. रविवारी संशयित आरोपीला सायंकाळी खोलापुरीगेट पोलिसांनी अटक केली. सोमवारी अटक संशयित आरोपीस न्यायालयासमोर हजर केले जाईल, असे पोलिस निरीक्षक पंकज तामटे यांनी सांगितले. 

प्रेमसंबंध ठेवण्यासाठी युवतीला धमकी

एक अन्य घटना राजापेठ पोलिस ठाण्याच्या हद्दीत घडली. ओळखीतील युवतीसोबत सतत मोबाईलवर संपर्क करून प्रेमसंबंध ठेवण्यासाठी संशयित आरोपीने बाध्य केले. संबंध न ठेवल्यास मी काय करेल हे तुला माहिती आहे, आशी धमकी त्याने युवतीला दिली. तक्रारीवरून राजापेठ पोलिसांनी संशयित आरोपीविरुद्ध विनयभंगाचा गुन्हा दाखल केला, असे पोलिस निरीक्षक मनीष ठाकरे यांनी सांगितले.