यवतमाळ जिल्ह्यातील वाईत कोंबड बाजारावर छापा; दुचाकी वाहनांसह लाखोंचा मुद्देमाल जप्त

police raid on hens fight in Yavatmal district
police raid on hens fight in Yavatmal district

यवतमाळ : मागील अनेक महिन्यांपासून बिनदिक्कत सुरू असलेल्या वाई (हातोला) येथील कोंबडबाजारावर यवतमाळ ग्रामीण पोलिस ठाण्याच्या पथकाने छापा टाकला. या कारवाईत दोघेच पोलिसांच्या हाती लागले आहेत. जवळपास सात दुचाकी वाहने जप्त करण्यात आली आहेत.

वाई (हातोला) शिवारात भरणाऱ्या कोंबडबाजारावर लाखोंची उलाढाल होते. मंगळवार, शुक्रवार व रविवार, अशी तीन दिवस येथे जत्रा भरते. लॉकडाउन कालावधीत सर्वकाही बंद असताना कोंबडबाजार बंद करण्यात पोलिसांना यश आले नाही. त्यामुळे तत्कालीन ठाणेदारांच्या कार्यप्रणालीवर प्रश्‍नचिन्ह उपस्थित करण्यात आले होते. 

या ठिकाणी आजूबाजूच्या परिसरासह अमरावती जिल्ह्यातील जुगारी कोंबडबाजार खेळण्यासाठी येतात. पोलिस अधीक्षक डॉ. दिलीप भुजबळ यांनी अवैध धंदे पूर्णता: बंद करण्याचे आदेश दिले आहेत. मात्र, वाई (हातोला) येथील कोंबडबाजारावर छापा टाकण्यात आला नव्हता. 

अखेर रविवारी ठाणेदार गजानन करेवाड यांनी छापा टाकला. यावेळी दोन व्यक्तींसह सात दुचाकी जप्त करण्यात आल्या आहेत. वृत्तलिहेस्तोवर घटनास्थळावर पंचनामा करण्याची कार्यवाही सुरू होती. या छापेमारीजुगारींत चांगलीच खळबळ उडाली.

माहिती झाली 'लिक'

यवतमाळ ग्रामीण पोलिस ठाण्याचे ठाणेदार गजानन करेवाड यांनी कोंबड बाजारावर छापा टाकण्याची गुप्त रणनिती आखली होती. त्यानुसार आपल्या खास सात ते आठ पोलिस कर्मचाऱ्यांना घेऊन घटनास्थळ गाठले. पोलिस येत असल्याची माहिती आधीच लिक झाली. त्यामुळे जुगारी पळून जाण्यात यशस्वी झालेत. मात्र, छापेमारीची माहिती देऊन "प्रकाश'ला वाचविणारा कर्मचारी कोण, ही चर्चा चांगलीच रंगली होती.

संपादन - अथर्व महांकाळ 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com