चिखलदरा - चिखलदरा तालुक्यातील डोमा गावामध्ये राणी अजय अथोटे (वय २५) या गर्भवती महिलेला जबर मारहाण करण्यात आल्याची घटना घडली. या घटनेत तिच्या पतीला सुद्धा मारहाण करण्यात आली असून चिखलदरा पोलिसांनी या प्रकरणात गुन्हा दाखल करून तपास सुरू केला आहे. मारहाणीचा गुन्हा दाखल झालेल्यांमध्ये आशासेविकेचा समावेश आहे.
दरम्यान, जखमी महिलेला तातडीने उपचारासाठी अचलपूर उपजिल्हा रुग्णालयात दाखल करण्यात आले. त्यांनी १६ एप्रिल रोजी तक्रार दिली होती. महिलेचे पती अजय बन्सी अथोटे हे शौचालय बांधण्याकरीता खोदलेल्या खड्ड्यात सिमेंट काँक्रिटचे काम मजुरांकडून करून घेत होते. त्यावेळी नालीत पाणी सोडल्याने काम बिघडल्याचा आरोप करीत संशयित बबलू जगलाल अथोटे, संध्या अथोटे यांच्यासह चौघांनी मारहाण केल्याचा आरोप आहे.
तक्रारीवरून चिखलदरा ठाण्यात गुन्हा दाखल झाला होता. त्यात संशयित चौघांनी मारहाण केल्यामुळे तक्रारकर्ती महिला राणी अजय अथोटे जखमी झाल्याचा आरोप करण्यात आला. तिला उपचारासाठी अचलपूर उपजिल्हा रुग्णालयात दाखल केले होते.
डॉक्टरांनी तपासणी केली असता, सदर महिलेची प्रकृती स्थित असल्याचे सांगितले. संबंधित महिलेच्या पतीच्या डोक्यात वीट घातल्याने ते सुद्धा जखमी झाले होते. सदर घटनेनंतर डोमा गावात काही तासांसाठी तणाव निर्माण झाला होता.
पोलिसांनी केलेल्या कारवाईनंतर गावात शांतता आहे. असे स्थानिक गुन्हेशाखेचे पोलिस निरीक्षक किरण वानखडे यांनी सांगितले.
पाणी वाहत आहे, अशा क्षुल्लक कारणावरून भांडण झाले होते. गुन्हा जामीनासपात्र असल्यामुळे पती-पत्नी आणि मुलगा या तीन लोकांना समन्स देण्यात आला आहे.
- प्रशांत मसराम, ठाणेदार, चिखलदरा.
संपूर्ण प्रकारात प्रकरणाची चौकशी करण्यात येईल. त्यामध्ये आमच्या आरोग्य विभागाचा कोणी कर्मचारी अथवा आशा वर्कर दोषी असल्यास पुढील कारवाई करण्यात येईल.
- डॉ. सुरेश आसोले, जिल्हा आरोग्य अधिकारी, अमरावती
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.