धक्कादायक प्रकार! कारागृहात कैद्यांची चक्क पोलिसांनाच मारहाण; दगड उचलून जीवे मारण्याचा प्रयत्न 

Prisoner beat police officers in Jail in Bhandara
Prisoner beat police officers in Jail in Bhandara

भंडारा : येथील जिल्हा कारागृहात असलेल्या न्यायाधिन कैद्याने इतर कैद्यासह पोलिस कर्मचाऱ्याला मारहाण केली. याबाबत भंडारा पोलिसांनी गुन्हा दाखल केला आहे.

केसलवाडा येथील आरोपी कार्तिक बकाराम मेश्राम हा जिल्हा कारागृहात न्यायाधित बंदी म्हणून आहे. तो शनिवारी सकाळी साडेदहा वाजता बॅरेक क्रमांक पाच मधून बॅरेक क्रमांका सातच्या समोर असलेल्या पटांगणात आला. तेथे असेलला कैदी किरण शिवशंकर समरित याला उचलून जमिनीवर आपटून मारहाण केली. 

त्यावेळी कारागृह पोलिस चंद्रशेखर दयाराम घरत यांनी दोघांचे भांडण सोडविण्याचा प्रयत्न केला. तेव्हा आरोपीने त्यांना धक्का दिला. या घटनेनंतर दोन्ही कैद्यांना तुरुंग अधिकारी यांच्यासमोर हजर करण्यात आले. तेथे पुन्हा दोघांमध्ये बाचाबाची होऊन हाणामारी सुरू झाली. तेव्हा पोलिस कर्मचारी श्री. घरत यांनी त्यांचे भांडण सोडविण्याचा प्रयत्न केला. 

यावेळी आरोपीने त्यांची कॉलर पकडून शिवीगाळ केली व जमिनीवर असलेला पाच ते सात किलो वजनाचा दगड उचलून त्यांना जिवे मारण्याचा प्रयत्न केला. मात्र, जवळ असलेल्या इतर कर्मचाऱ्यांनी आरोपीजवळील दगड हिसकावला. याबाबत भंडारा पोलिसांनी गुन्हा दाखल केला असून पोलिस हवालदार खान तपास करीत आहेत.

संपादन - अथर्व महांकाळ 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com