अमरावती ः शहरातील रहाटगावच्या गुरुकृपा कॉलनी येथील रहिवासी तुषार विलास कदम (वय 32) या युवा प्राध्यापकाचा मृतदेह छत्रीतलाव परिसरात आढळला. तुषार हे दोन दिवसांपासून घरातून बेपत्ता झाले होते.
तुषार हे जिल्ह्यातील एका महाविद्यालयात प्राध्यापक म्हणून कार्यरत होते. 25 फेब्रुवारी 2021 पासून तुषार हे दुचाकी घेऊन घरून निघून गेले होते. त्याच दिवशी त्यांची दुचाकी छत्रीतलाव परिसरातील विहिरीजवळ बेवारस आढळली. ती दुचाकी पोलिसांनी जप्त केली. दुचाकी क्रमांकाच्या आधारे पोलिस नातेवाइकांपर्यंत पोहोचले.
शनिवारी (ता. 27) सायंकाळी पावणेसात ते सातच्या सुमारास मृतदेह तलावाच्या काठावर आढळला. पोलिसांनी नातेवाइकांना माहिती दिली. घटनास्थळी पाहणी केल्यानंतर मृतदेहाची ओळख पटली. राजापेठ पोलिसांनी अकस्मात मृत्यू, अशी नोंद घेतली.
घटनेच्या दिवशी बेपत्ता झाल्यानंतर नातेवाइकांसह मित्रपरिवाराने त्यांचा आसपास शोध घेतला. परंतु ते आढळून आले नाहीत. युवा प्राध्यापकाच्या आत्महत्येचे कारण समजू शकले नाही, असे राजापेठ पोलिसांनी स्पष्ट केले. रविवारी (ता. 28) उत्तरीय तपासणीनंतर मृतदेह नातेवाइकांच्या स्वाधीन करण्यात आला.
संपादन - अथर्व महांकाळ
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.