दपूमरेने फुकट्यांविरुद्ध थोपटले दंड

नागपूर : दक्षिण पूर्व मध्य रेल्वेच्या नागपूर विभागाने फुकट्यांविरोधात दंड ठोपटले असून दहादिवसीय विशेष तिकीट तपासणी अभियान राबविले जात आहे. त्यात प्रारंभीच्या दोनच दिवसांमध्ये सुमारे 2 हजार फुकट्यांवर कारवाई करण्यात आली.
21 ऑगस्टपासून सुरू झालेले हे अभियान 30 पर्यंत राबविले जाणार आहे. या मोहिमेत विनातिकीट प्रवासी, अनधिकृत डब्यातून प्रवास करणारे, विनानोंदणी माल वाहतूक करणारे तसेच अस्वच्छता पसरविणाऱ्यांवर कारवाई केली जात आहे. पहिल्याच दिवशी 96 विनातिकीट प्रवासी, 217 अनधिकृत डब्यातून प्रवास करणारे, प्रवासी डब्यातून मालवाहतुकीची 499, अस्वच्छता पसरविणारे 29 अशा एकूण 841 जणांविरुद्ध कारवाई करण्यात आली. त्यांच्याकडून 1.96 लाखांचा दंड वसूल करण्यात आला. दुसऱ्या दिवशी गुरुवारी 183 विनातिकीट प्रवासी, 331 अनियमित डब्यातून प्रवास करणारे, प्रवासी डब्यातून मालवाहतुकीची 507 तर अस्वच्छता पसरविणारे 43 अशा एकूण 1 हजार 64 प्रकरणांमध्ये कारवाई करण्यात आली. या प्रकरणांमध्ये 2.96 लाखांचा दंड वसूल करण्यात आला.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

दपूमरेने फुकट्यांविरुद्ध थोपटले दंड

Related Stories