सहा दिवसांची झुंज संपली; जखमी मुलीचा नागपुरात मृत्यू

तिवसा (जि. अमरावती) : अपघातात डोक्याला गंभीर मार लागल्याने सहा दिवस बेशुद्ध असलेली १९ वर्षीय नूतन संजय हरडे (रा. मोझरी) या मुलीने मृत्यूशी झुंज दिली. मात्र, काल सायंकाळी तिची झुंज अपयशी ठरली. उपचारादरम्यान तिचा नागपूर येथील रुग्णालयात मृत्यू (Girl Died) झाला.

नूतन ही शहरातील स्व. लालासाहेब देशमुख महाविद्यालयात बीएच्या द्वितीय वर्षात शिकत होती. २८ डिसेंबर रोजी नियमितपणे महाविद्यालयात जाण्यासाठी राष्ट्रीय महामार्ग ओलांडत असताना तिला कारने धडक (Road Accident) दिली. या अपघातात तिच्या डोक्याला गंभीर मार लागल्याने उपचारासाठी अमरावती व त्यानंतर नागपूरच्या रुग्णालयात हलविण्यात आले होते. सहा दिवस उपचाराला प्रतिसाद देत असल्याने डॉक्टरांनी युद्ध पातळीवर उपचार केले. मात्र, काल तिने प्राण (Girl Died) त्यागले. तिच्या मृत्यूने कुटुंबावर दुःखाचे डोंगर कोसळले आहे. या घटनेने मोझरी गावात शोककळा पसरली आहे.

२८ डिसेंबर रोजी अपघात झाल्यानंतर कार चालकाने (Road Accident) जखमी नूतनला उपचारासाठी रुग्णालयात नेले होते. पोलिसांनी घटनास्थळाचा पंचनामा करून कार चालकाची सर्व कागदोपत्री माहिती घेऊन कारसह चालकाला सोडल्याची माहिती समोर आली आहे.