Truck Blocks Samruddhi Highway
esakal
वर्धा: येथील समृद्धी महामार्गावर रविवारी (ता. ९) दुपारी एका ट्रक चालकाच्या संतापामुळे मोठी खळबळ उडाली. उपप्रादेशिक परिवहन विभागाच्या पथकाच्या कारवाईला कंटाळून चालकाने आपला ट्रक थेट मुंबईच्या दिशेने जाणाऱ्या लेनवर आडवा उभा केला. यामुळे या मार्गावरील वाहतूक तब्बल एक तास पूर्णपणे ठप्प झाली होती, ज्यामुळे वाहनांच्या लांबच लांब रांगा येळाकेळी इंटरचेंजपर्यंत पोहोचल्या.
