वनमंत्री संजय राठोड देणार राजीनामा; चर्चांना आले ऊत

नागपूर : टिकटॉक स्टार पूजा चव्हाण हिच्या आत्महत्येमुळे वादाच्या भोवऱ्यात सापडलेले वनमंत्री आणि शिवसेना नेते संजय राठोड यांनी आपल्या पदाचा राजीनामा दिल्याची चर्चा आहे. त्यांच्या राजीनाम्यासाठी मुख्यमंत्री उध्दव ठाकरे यांनी दबाव टाकला होता. त्यामुळे राठोड यांना राजीनामा दिल्याची चर्चा आहे.

पूजा चव्हाण इमारतीच्या पहिल्या मजल्यावरून पडल्याने ८ फेब्रुवारी रोची तिचा मृत्य झाला होता. महम्मदवाडी परिसरातील हेवन पार्क सोसायटीतील फ्लॅटमधअये पूजा ही भाऊ आणि भावाच्या मित्रासोबत राहत होती. पूजाचा मृत्यू झाल्यानंतर या प्रकरणात संजय राठोड यांचे नाव समोर आले होते. काही ऑडिओ क्लिपही समोर आल्या होत्या. यातील आवाज संजय राठोड यांचाच असल्याचा दावा विरोधकांकडून करण्यात आला आहे. हे प्रकरण तापल्याने राठोड यांनी पदाचा राजीनामा दिल्याची चर्चा आहे.

पूजाच्या मृत्यूला राठोडच कारणीभूत असल्याने त्यांचा राजीनामा घेण्याची मागणी विरोधकांकडून सातत्याने केली जात आहे. अद्याप पोलिस तपासातून काहीच उलगडा झालेला नाही. राठोड पूजाच्या मृत्यूनंतर गायब झाले आहेत. त्यांचा फोनही नॉट रिचेबल आहे. त्यामुळे त्यांच्यावरील संशयाचे सावट गडद झाले आहे. परिणामी, त्यांचा राजीनामा घेण्यासाठी शिवसेनेवर दबाव वाढला आहे.

अधिक वाचा - ‘मुलांनो, आम्हाला माफ करा; आमचे मृतदेह मेडिकल कॉलेजला दान करा’ अशी चिठ्ठी लिहून दाम्पत्याची आत्महत्या

राठोड हे लवकरच राजीनामा देण्याची शक्यता आहे. मुख्यमंत्र्यांना त्यांना राजीनामा देण्यास सांगितल्याचे वृत्त आहे. शिवसेनेच्या वरिष्ठ नेत्यांचीही बैठक होणार असून त्यामध्ये यावर शिक्कामोर्तब केले जाऊ शकते. राठोड यांच्याकडूनही राजीनामा देण्याची तयारी असल्याचे समजते.