चराई पासेसकरिता मेंढपाळ बांधवांची धडक

File photo
File photo

अमरावती : चराई पासेससह इतर मागण्यांसाठी मेंढपाळ बांधवांनी मंगळवारी (ता.3) जिल्हाधिकारी कार्यालयावर धडक दिली. चराई पासेसच्या मुख्य मागणीसाठी जिल्हाकचेरीवर उपोषण सुरू करण्यात आले.
मेंढपाळ हा उपजिविकेचा व्यवसाय असून वनविभागाकडे चराईकरिता पासेसची मागणी करण्यात येत आहे. मात्र अनेकदा आंदोलने तसेच निवेदने देवूनसुद्धा या ंमागणीकडे दुर्लक्ष करण्यात आले. मात्र वनविभागाकडून आमच्यावर गुन्हे दाखल करण्यात येतात, असा मेंढपाळ बांधवांचा आरोप आहे. चराई पासेस त्वरित देण्यात याव्या, वनविभागाकडून होणारी दंडवसूली थांबविण्यात यावी, जप्त केलेल्या जनावरांचा हर्रास करू नये, मेंढपाळांवर दाखल करण्यात आलेले खोटे गुन्हे मागे घेण्यात यावेत, आदी मागण्यांसाठी 13 कार्यकर्त्यांनी मंगळवारपासून बेमुदत उपोषण सुरू केले. उपोषणकर्त्यांमध्ये भीमराव महानर, अर्जुन महानर, योगेश करंडे, सुनील महानर, विशाल पिसाळ, रोशन शिंगाडे, देवराव यमगर, समाधान सूळ, अशोक पिसाळ, प्रकाश गोफणे, हरिदास पिसाळ, राजू घुले, प्रकाश पिसाळ आदींचा समावेश आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com