दारव्हा (जि. यवतमाळ) : एका ३४ वर्षाच्या महिलेवर पाच जणांनी सामूहिक अत्याचार केला. ही घटना दारव्हा ते बागवाडी मार्गावर ३ ऑगस्टच्या मध्यरात्री घडली. या प्रकरणी दारव्हा पोलिसांनी गुन्हा दाखल करून आरोपींना अटक केली आहे..संकेत रामू पवार (वय २६), किशोर मधुकर सूर्यवंशी (वय ३६), सौरभ दादाराव कासारदार (वय २९, रा. तिघेही बागवाडी), वेदान्त गजानन पोकळे (वय २६, रा. कुंभारकिन्ही पुनर्वसन दारव्हा) व एका विधिसंघर्ष बालकाचाही आरोपींमध्ये समावेश आहे..विधिसंघर्ष बालकाला वगळता इतर चार आरोपींना पोलिसांनी अटक केली आहे. पिडित महिला घटनेच्या दिवशी सायंकाळी पाच वाजता बागवाडी येथे बहिणीकडे गेली होती. घरी परत जात असताना नराधमांनी तिला रस्त्यात पकडले. .गावाजवळील एका ले-आऊटवर नेऊन रात्री नऊ ते पहाटे चार दरम्यान जबरदस्तीने शारीरिक संबंध प्रस्थापित केले. या प्रकरणी पिडितेच्या बहिणीने रविवारी (ता. १०) पोलिस ठाण्यात तक्रार दिली. .Bhandara Crime: जुन्या वैमनस्यातून भंडाऱ्यात दोघांची हत्या; चार जणांना अटक, कुऱ्हाड आणि चाकूने हल्ला .त्यावरून गुन्हा दाखल करून चार आरोपींना अटक करण्यात आली आहे. या घटनेने तालुक्यात एकच खळबळ उडाली. पुढील तपास पोलिस उपनिरीक्षक नीलेश तारक करीत आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
