Super El Nino: यंदा सर्वाधिक उष्ण उन्हाळा; पाणीसंकटही तीव्र होणार ; ‘सुपर अल निनो’कडे वाटचाल

अमरावती, : ‘अल निनो’चे रूपांतर ‘सुपर अल निनो’मध्ये होऊ लागल्याने आगामी काळात अतिउष्णतेची शक्यता आहे. तापमानात ३.९ अंशांपर्यंत वाढ होण्याची शक्यता असून, बाष्पीभवन वाढल्याने उपलब्ध पाणीसाठ्यावर ताण येणार आहे. सुपर अल निनोचा प्रभाव जुलैपर्यंत राहण्याची शक्यता असल्याने पाणीपुरवठ्याची समस्या भीषण होण्याची शक्यता आहे. त्याचा परिणाम यंदाच्या रब्बी हंगामासह पुढील वर्षीच्या खरीप हंगामावरही होण्याची शक्यता तज्ज्ञांनी वर्तविली आहे.