Yavatmal
esakal
यवतमाळ: बारा वर्षांची तनुश्री कडू एकेकाळी ‘बेटी बचाओ, बेटी पढाओ’ मोहिमेचा चेहरा होती. भाजपच्या नेत्या पंकजा मुंडे यांनी तिला स्वतः निवडून मुलींना शाळेत राहण्यासाठी प्रेरित करण्याचा ब्रँड अँबेसिडर म्हणून नियुक्त केले होते. आज वीस वर्षांची तनुश्री कडू लाडाने ‘तनू’ म्हणून ओळखली जाणारी भारतीय ज्युनिअर महिला हॉकी संघात स्थान मिळवण्यात यशस्वी झाली आहे. ५ ते १४ जुलैदरम्यान होणाऱ्या यु-२१ युनायटेड किंग्डम दौऱ्यासाठी तिची निवड झाली आहे.
