Amravati : मासे पकडण्याचा मोह बेतला जिवावर; तिघांचा बुडून मृत्यू | Sakal
sakal

बोलून बातमी शोधा

Amravati Crime News

Amravati : मासे पकडण्याचा मोह बेतला जिवावर; तिघांचा बुडून मृत्यू

Amravati Crime News तिवसा (जि. अमरावती) : शहरातील पिंगळाई नदीवर मासे पकडण्यासाठी गेलेल्या तीन जणांचा डोहात बुडून मृत्यू (Death) झाला. ही घटना शनिवारी (ता. १७) सकाळी ११ वाजताच्या सुमारास उघडकीस आली. घटनेची माहिती मिळताच स्थानिक प्रशासनाने बचाव पथकाला पाचारण करून मृतांचा शोध घेतला जात आहे.

प्राप्त माहितीनुसार, तीन व्यक्ती मासे पकडण्यासाठी नदीत जाळे टाकून बसले होते. जाळ्याची दोरी तुटल्याने एकाने दोरी काढण्यासाठी नदीत उडी घेतली. मात्र, या ठिकाणी डोह व पाण्याचा प्रवाह जास्त असल्याने बाहेर निघता आले नाही. त्यामुळे अन्य दोघांनी त्याला वाचवण्यासाठी पाण्यात उडी घेतली. मात्र, तिघांचाही बुडून मृत्यू (Death) झाला.

हेही वाचा: सात दिवसांपूर्वी चिमुकलीचा जन्म; भेटीसाठी सासरी आलेल्या बापाने दिले फेकून

अमरावतीच्या शोध पथकाकडून मृतदेह बाहेर काढण्यासाठी युद्धपातळीवर प्रयत्न सुरू आहे. तिघांपैकी एकाचा मृतदेह बाहेर काढण्यात बचाव पथकाला यश आले आहे. नागरिकांनी घटनास्थळी एकच गर्दी केली होती. तसेच मृतांच्या कुटुंबीयांना घटनेची माहिती देण्यात आली आहे.

मागील काही दिवसांत मोठ्या प्रमाणात पाऊस झाल्याने नदी-नाले तुडुंब भरून वाहत आहे. पावसामुळे मोठ्या प्रमाणात शेतीचे नुकसान झाले आहे. असे असतानाही काही लोक जिवाची पर्वा न करता नदीकाठी जाण्याचा मोह सोडत नाही आहे. तिघांनी मासे पकडण्याचा मोह केला नसता तर जीव गेला नसता, असे नागरिक एकमेकांशी बोलत होते.

Web Title: Three Drowned Death Amravati District Crime News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..