चंद्रपूर : अंबुजा येथील तीन युवकांचा मंगी नाल्यात बुडून

कोरपना (जि. चंद्रपूर) : आज सकाळी साडेनऊच्या दरम्यान येथील अंबुजा सिमेंट लेबर कॉलोनीच्या मागे असलेल्या मंगी नाल्यात बुडून तीन अल्पवयीन मुलांचा मृत्यू झाल्याची घटना घडली आहे. सदर घटनेची माहिती अंबुजा सिमेंट सुरक्षा अधिकारी विलास नारखेडे यांनी गडचांदूर पोलीस स्टेशनला दिली. 

सविस्तर वृत्त असे की, आज (ता. 2) सकाळी 9.30 वाजताच्या दरम्यान सार्थक, मंजित, शुभम, अनुनय ही चारही मुले नाल्याकडे अंघोळीला गेले होते. या नाल्यात सार्थक, मंजित, शुभम हे तिघेजण अंघोळीला गेले. परंतु सोबत असलेला चौथा मुलगा अनुनय हा अंघोळीला गेला नाही. काही वेळाने अंघोळीला गेलेले त्याचे मित्र बाहेर न आल्यामुळे अनुनयने अंबुजा सिमेंट लेबर कॉलोनीकडे धाव घेत घरच्यांना घडलेली सदर घटना सांगितली.

तोपर्यंत गावकऱ्यांनी मुलांची प्रेत बाहेर काढली होती. या घटनेतील शुभम गाजेरे हा युवक 22 तारखेला सुट्या घालविण्याकरीता अंबुजा कॉलोनी उप्परवाही येथे आला होता. 

मृतक मुलांचे नाव - 

1) सार्थक शशीकांत अल्हाट वय - वय 12 वर्षे 
अंबुजा सिमेंट कॉलोनी उप्परवाही

2) मंजित विजय सिंग - वय 14 वर्ष
राह. उप्परवाही मेन गेट वॉर्ड क्रमांक 3

3) शुभम दिवाकर गाजेरे - वय 14 वर्ष
रा. रामटेक जिल्हा नागपूर