चिखली - ट्रक, कार आणि मोटारसायकल यांच्या विचित्र असा तिहेरी भीषण अपघात झाला. हा अपघात एवढा भीषण होता की, मोटारसायकलचा अक्षरक्षः चुराडा होऊन, मोटारसायकवरील एक महिला, बालक आणि तिचा पती अशा तिघांचा दुर्देवी मृत्यू झाला..हा अपघात चिखली ते मेहकर मार्गावरील खैरव फाट्यावर आज ४ जून रोजी दुपारी साडेतीन वाजेच्या सुमारास घडला. अपघातातील इतर जखमींना चिखली येथे हलविण्यात आले असून, त्यांच्यावर वैद्यकीय उपचार सुरू आहेत..सविस्तर असे की, चिखली ते मेहकर रोडवरील खैरव फाट्यावर आज ४ जून रोजी दुपारी साडेतीन वाजेच्या सुमारास मालवाहू ट्रक आणि एमएच ०४ जीइ ५५०८ क्रमांकाची डस्टर कार आणि प्लॅटिना मोटारसायकलचा भीषण अपघात झाला. अपघातात मोटारसायकलचा अक्षरक्षः चुराडा होऊन रस्त्यावर रक्ताचा सडा पडला..या अपघातात मोटरसायकलवरील बुलडाणा तालुक्यातील घाटनांद्रा येथील रहिवासी गणेश यादव गायकवाड (वय ४५) हे त्यांची पत्नी लक्ष्मी गणेश गायकवाड (वय ४०), मुलगा कृष्णा गणेश गायकवाड (वय १५) यांचा दुर्देवी मृत्यू झाला. घटनास्थळी रक्ताच्या थारोळ्यात पडलेले गणेश गायकवाड हे गंभीर अवस्थेत होते, आणि त्यांना चिखली येथील डॉ.जवंजाळ हॉस्पिटलमध्ये नेत असताना रस्त्यातच त्यांचा मृत्यू झाला..या अपघाताची माहिती मिळताच, चिखली पोलिसांनी अपघातस्थळी जाऊन मृतदेह चिखली ग्रामीण रुग्णालयात पाठविले. अपघातात गंभीर जखमी झालेल्या इतरांना तातडीने चिखली येथील रुग्णालयात उपचारासाठी हलविण्यात आले होते..वाहनाचा अतिवेग किंवा चुकीचा ओव्हरटेकमुळे हा अपघात घडल्याचे सांगण्यात येत आहे. किंवा, ट्रक आणि कारच्या चालकांच्या निष्काळजीमुळे तिघांचा हकनाक बळी गेल्याचा प्रतिक्रिया नागरिकांकडून उमटल्या आहेत. या अपघातात पती, पत्नी आणि मुलाच्या मृत्यूने घाटनांद्रा गावावर शोककळा पसरली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
