मुंडीकोटा ( जि. गोंदिया) - तिरोडा तालुक्यातील इंदोरा येथील शेतात वाघाने केलेल्या हल्ल्यात दहा वर्षीय मुलीचा मृत्यू, तर वडील जखमी झाले. ही घटना शनिवारी ( ता. २९) दुपारी तीन ते चारच्या सुमारास घडली. .इंदोरा येथील देवानंद पारधी हे शनिवारी मुलगी रुचिकासोबत शेतात गेले होते. दुपारी तीन ते चारच्या सुमारास शेतात दबा धरून असलेल्या वाघाने अचानक हल्ला केला. यात रुचिका गंभीर जखमी झाली. तिला वाचविण्यासाठी तिचे वडील देवचंद सुद्धा धावले असता त्यांनादेखील वाघाने जखमी केले..लगेच रुचिकाला उपचाराकरिता तिरोडा येथील उपजिल्हा रुग्णालयात नेण्यात आले. तिथून तिला गोंदिया येथील केटीएस जिल्हा सामान्य रुग्णालयात नेण्यात आले, तिथे डॉक्टरांनी रुचिकाला तपासून मृत घोषित केले.देवचंद पारधी यांच्यावर जिल्हा सामान्य रुग्णालयात उपचार सुरू आहेत..रुचिकाच्या निधनाने गावामध्ये सर्वत्र हळहळ व्यक्त केले जात आहे. या आधीसुद्धा वाघाने गाय, बैल, शेळीची शिकार केली आहे. दरम्यान, वनविभागाने या वाघाचा त्वरित बंदोबस्त करावा, अशी मागणी नागरिकांनी केली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
