पोहण्याचा मोह अनावर झाला अन्‌ दोन मुलांनी जीव गमावला 

water
water

शेंदूरजनाघाट (जि. अमरावती)  : शेंदूरजनाघाट (ता. वरुड) पोलिस ठाण्यांतर्गत येत असलेल्या पारडी मालखेड शेतशिवारातील एका शेततळ्यात बुधवारी (ता. 11) पोहण्यासाठी गेलेल्या दोन मुलांचा बुडून मृत्यू झाला. ही घटना गुरुवारी, 12 मार्च रोजी दुपारच्या सुमारास उघडकीस आली. 

घडले असे की, वरुड येथील मिरची प्लॉटमधील राहुल श्‍यामराव मरसकोल्हे (वय 16, रा. चारनेटी, ह. मु. वरुड) आणि सतीश अशोक सरियाम (वय 14, रा. तिवसा घाट) ही दोन मुले पारडी मालखेड शिवारात असलेल्या सारंग खेरडे यांच्या शेतातील शेततळ्यात बुधवारी (ता. 11) दुपारच्या सुमारास पोहण्याकरिता गेले होते.

मित्राला बुडताना पाहून दुसरा वाचविण्यास गेला 

प्रथम सतीश सरयाम पाण्यात उतरला. मात्र, त्याला पाण्याच्या खोलीचा अंदाज आला नाही. त्यामुळे तो पाण्यात बुडू लागला. सतीश पाण्यात बुडत असल्याचे पाहून त्याला वाचविण्याकरिता राहुल मरसकोल्हे यानेसुद्धा पाण्यात उडी घेतली. मात्र, दोघांचाही पाण्यात बुडून मृत्यू झाला. शेंदूरजनाघाट पोलिसांनी दोन्ही मुलांचे मृतदेह आज, गुरुवारी पाण्याबाहेर काढून उत्तरीय तपासणीसाठी ग्रामीण रुग्णालयात पाठविले. 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com