वाहनचालकांनो! नियमांचे उल्लंघन केल्यास भरावा लागणार दंड, तब्बल ४६ लाख वसूल

वर्धा : नागरिकांचा प्रवास सुखकर व्हावा, अपघातांचे प्रमाण टळावे, यासाठी वाहतूक पोलिस नियंत्रण शाखेचे नियम आहेत. परंतु, नागरिक या नियमांचे सर्रास उल्लंघन करीत वाहने चालवित असल्याचे दिसून येते. पोलिसांनी जानेवारी ते नोव्हेंबरदरम्यान जिल्ह्यात तब्बल 30 हजार 501 वाहनांवर कारवाई करून तब्बल 46 लाख 55 हजार 150 रूपयांचा दंड वसूल केला आहे. 

हेही वाचा - कंपनीत काम आटोपून चौघांनाही लागली घराची ओढ, पण नियतीच्या मनात होतं भलतंच

विना परवान्याशिवाय दुचाकी वाहने चालविणे कायद्याने गुन्हा आहे. मात्र, अनेक व्यक्‍तींकडे दुचाकी वाहन चालविण्याचा परवानासुद्धा नसतो. अपघात टाळण्यासाठी हेल्मेट सक्‍तीचे केले आहे. प्रत्यक्षात कितीजण हेल्मेट घालतात, हे आपल्याला माहिती आहे. अल्पवयीन मुलांच्या हातातही दुचाकी वाहने दिसतात. त्यामुळे ते अपघाताला बळी पडतात. 

हेही वाचा - रस्त्यावरचे आयुष्य जगणाऱ्या रामूला प्रतीक्षा सांताक्‍...

महामार्गावर वाहतूक शाखेतर्फे सूचनादर्शक फलकसुद्धा लावले आहेत. पण या नियमांचे कधी पालनच होत नाही. युवापिढी तर धूमस्टाइल बाईक चालवितात. वाहतूक नियंत्रण पोलिस शाखेच्या वतीने अशा वाहनांवर कारवाईचा बडगा उचलून कारवाई केली जाते. वाहतूक पोलिस शाखेने जानेवारी ते नोव्हेंबर 2020 दरम्यान हेल्मेट, सीटबेल्ट न लावणे, अतिवेगाने वाहन चलिवणे, मोबाईलवर बोलणे, जादा प्रवासी वाहतूक, सिग्नल जंपिंग, विना इन्शुरन्स, विना लायसन्स, अल्पवयीन मुलांच्या हाती दुचाकी, चुकीच्या दिशेने वाहन चालविणे, फॅन्सी नंबर प्लेट, धोकादायक पद्धतीने वाहन चालविणे, नो पार्किंगमध्ये वाहन ठेवणे, म्युझिक हॉर्न, वाहतुकीस अडथळा, नो एन्ट्री, ट्रिपल सीट, इतर किरकोळ कारणे, मद्यप्राशन करून वाहने चालविणे, अशा तब्बल 30 हजार 501 जणांवर कारवाई करून 46 लाख 55 हजार 150 रुपयांचा दंड वसूल केला आहे. 

हेही वाचा - स्वप्ने झाली मातीमोल! समाजातील पहिलाच डॉक्टर, विषारी सापाने दंश केला अन् सारेच संपले

अनेकजण दुचाकी वाहने चालवितात. परिणामी, जिल्ह्यात अपघातांचे प्रमाण वाढले आहे. दररोज रस्ते अपघातात जिल्ह्यात एखादा तरी बळी जातो. प्रत्येकाने नियमांचे पालन केल्यास अपघातांचे प्रमाण कमी होऊ शकते.