Ahilyanagar मध्ये भरला पहिला पुस्तक महोत्सव | Sakal Book Festival | Balasaheb Thorat

अहिल्यानगर येथे २१ ते २४ मार्च दरम्यान दैनिक सकाळच्या आवृत्तीकडून आयोजित करण्यात आलेल्या पुस्तक महोत्सवाला काँग्रेस नेते आणि माजी महसूल मंत्री बाळासाहेब थोरात यांनी भेट दिली. या महोत्सवात ज्येष्ठ साहित्यिक रंगनाथ पठारे, आमदार संग्राम जगताप, पद्मश्री पोपटराव पवार यांच्यासह अनेक प्रतिष्ठित व्यक्तिमत्वे सहभागी होणार आहेत. या पुस्तक महोत्सवात राज्यातील प्रमुख प्रकाशक, प्रसिद्ध पुस्तकविक्रेते आणि क्रॉसवर्डसारखे आघाडीचे पुस्तकविक्रेते देखील सहभागी झाले आहेत. ‘सकाळ’तर्फे या महोत्सवासाठी भव्य प्रदर्शन आणि साहित्यिक मंच उभारण्यात आले असून, सहभागी प्रकाशक, पुस्तकविक्रेते आणि वाचकांसाठी आवश्यक सर्व सुविधा पुरवण्यात येत आहेत. चार दिवस चालणाऱ्या या महोत्सवात विविध साहित्यिक आणि सांस्कृतिक कार्यक्रमांचे आयोजन करण्यात आले आहे. अश्या जल्लोषपूर्ण वातावरणात साहित्यिक चर्चा करणारा पुस्तक महोत्सव नगरकरांसाठी पहिल्यांदाच आयोजित केला जात असल्याने याविषयी उत्सुकता नगरकरांमध्ये पाहायला मिळत आहे.