अमरावती शहरात तृतीयपंथी समुदायातील दोन गटांमध्ये झालेल्या वादातून तुफान हाणामारीची धक्कादायक घटना समोर आली आहे. बजरंग टेकडी परिसरात राहणाऱ्या एका तृतीयपंथी गटाच्या घरासमोर हा राडा झाला. या दरम्यान, दुसऱ्या गटातील काही तृतीयपंथीयांनी हातात तलवारी घेऊन नग्न अवस्थेत जीवे मारण्याचा प्रयत्न केला, तसेच मिरची पूड फेकून गोंधळ घातल्याची माहिती समोर आली आहे. घटनेदरम्यान परिसरात मोठी खळबळ उडाली असून, या प्रकाराचा CCTV फुटेज देखील समोर आला आहे. या घटनेनंतर फिर्यादी गटाने राजापेठ पोलीस ठाणे आणि पोलीस आयुक्त कार्यालयात धाव घेतली. दोन्ही गटांनी एकमेकांविरोधात तक्रारी दाखल केल्या असून, पोलिसांनी परस्परविरोधी गुन्हे नोंदवले आहेत. या हाणामारीमुळे अमरावतीत तृतीयपंथी समाजातील अंतर्गत वाद पुन्हा एकदा चव्हाट्यावर आला असून, पोलिसांकडून या घटनेचा सखोल तपास सुरू करण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.