बीड जिल्ह्यात अतिवृष्टी आणि पुरामुळे मोठ्या प्रमाणावर नुकसान झाले आहे. या पार्श्वभूमीवर परळी मतदारसंघाचे खासदार बजरंग सोनवणे यांनी पोहोनेर गावाला भेट देऊन परिस्थितीची पाहणी केली. मात्र पंचनाम्यात होत असलेल्या दिरंगाईमुळे त्यांचा पारा चांगलाच चढला. पाहणीदरम्यान खासदार सोनवणे यांनी तलाठी शिंदे यांना धारेवर धरत कामकाजातील ढिलाईबद्दल संताप व्यक्त केला. इतकंच नाही तर मंडळ अधिकाऱ्यांनाही त्यांनी चांगलंच सुनावलं. यावेळी त्यांच्यासोबत पक्षाचे नेते राजेसाहेब देशमुखही उपस्थित होते. गेल्या काही दिवसांपासून सुरू असलेल्या सततच्या पावसामुळे परळी तालुक्यासह बीड जिल्ह्यातील अनेक गावांमध्ये पूरसदृश स्थिती निर्माण झाली आहे. पोहोनेर गावाला अतिवृष्टीचा मोठा फटका बसला असून, शेतजमिनी आणि घरांचे मोठे नुकसान झालं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.