बीड शहरातील अंकुश नगर परिसरात मंगळवारी दुपारी थरारक हत्याकांडाची घटना घडली असून, या घटनेमुळे संपूर्ण परिसरात खळबळ उडाली आहे. दुपारी सुमारे २.३० वाजण्याच्या सुमारास नाल्याचे काम सुरू असताना एका कामगारावर अचानक प्राणघातक हल्ला करण्यात आला. हर्षद उर्फ दादा शिंदे (वय —) हे नाल्याच्या कामाच्या ठिकाणी उपस्थित असताना आरोपी विशाल सूर्यवंशी याने त्यांच्यावर बंदुकीतून दोन राऊंड फायर केले. मात्र सुदैवाने या गोळ्या हर्षद शिंदे यांना लागल्या नाहीत. त्यानंतर आरोपीने शिंदे यांचा पाठलाग करत धारदार शस्त्राने वार केला. या हल्ल्यात हर्षद उर्फ दादा शिंदे यांचा जागीच मृत्यू झाला. घटनेची माहिती मिळताच बीड शहर पोलीस तातडीने घटनास्थळी दाखल झाले. फॉरेन्सिक टीमलाही पाचारण करण्यात आले असून, घटनास्थळाची बारकाईने तपासणी सुरू आहे. वरिष्ठ पोलीस अधिकाऱ्यांनीही घटनास्थळी भेट देऊन पाहणी केली. या घटनेनंतर अंकुश नगर परिसरात भीतीचे वातावरण पसरले आहे. आरोपी विशाल सूर्यवंशी फरार असून, त्याच्या शोधासाठी पोलिसांची विशेष पथके रवाना करण्यात आली आहेत. हत्येमागील कारण अद्याप स्पष्ट झाले नसून, पोलिसांकडून पुढील तपास सुरू आहे. दरम्यान, दिवसाढवळ्या झालेल्या या हत्याकांडामुळे बीड शहरातील कायदा-सुव्यवस्थेचा प्रश्न पुन्हा एकदा ऐरणीवर आला आहे. अधिक तपशीलांची प्रतीक्षा आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.