बीड जिल्ह्यातील नेकनूर परिसरात भाजप आणि अजित पवार गटाच्या राष्ट्रवादी काँग्रेसच्या स्थानिक नेत्यांमध्ये तीव्र वाद उफाळून आला असून, गेल्या तीन दिवसांपासून सुरू असलेल्या या वादाचे रूप काल थेट हिंसाचारात बदलले. काल दुपारी सुमारे 12 वाजण्याच्या सुमारास अहमदपूर–अहिल्यानगर राष्ट्रीय महामार्गावर दोन्ही गट आमनेसामने आले. दोन्ही बाजूंच्या 30 ते 40 जणांच्या टोळक्याने एकमेकांवर लोखंडी पाईप, लाठ्या-काठ्या तसेच दगडांचा वापर करत जोरदार हल्ला केला. महामार्गावर काही काळ तणावाचे वातावरण निर्माण झाले होते. या संपूर्ण घटनेचा व्हिडिओही समोर आला असून तो सध्या सोशल मीडियावर व्हायरल होत आहे. या मारहाणीत 8 ते 10 जण गंभीर जखमी झाले असून त्यांना तातडीने उपचारासाठी बीडमधील विविध खासगी रुग्णालयांत दाखल करण्यात आले आहे. घटनेची माहिती मिळताच पोलीस घटनास्थळी दाखल झाले असून परिस्थिती नियंत्रणात आणण्यात आली आहे. प्रकरणाचा पुढील तपास सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.