बीड जिल्ह्यातील गेवराई तालुक्यातील चिखली गावातील मनोहर कचरू वारे यांनी आपल्या मुलाला बीडमधील तपभूमी वारकरी शिक्षण संस्थेत दाखल करण्यासाठी ५० हजार रुपयांचे डोनेशन दिले होते. त्यापैकी ३० हजार रुपये त्यांनी संस्थेचे प्रमुख सत्यवान महाराज लाटे यांना दिले. मात्र काही अडचणींमुळे प्रवेश रद्द झाल्यानंतर त्यांनी पैसे परत मागितल्यावर, त्यांना 10-12 जणांनी खोलीत कोंडून अमानुष मारहाण केली. तू आम्हाला पैसे मागतोस? तुला नीट परत जायचंय का? अशा धमक्या देत त्यांच्यावर हात, पाय आणि पाठीवर जबर मारहाण करण्यात आली. या प्रकाराचा व्हिडिओ सध्या सोशल मीडियावर व्हायरल झाला आहे. मनोहर वारे सध्या बीड जिल्हा रुग्णालयात उपचार घेत असून, माझ्या जीवाला धोका आहे. सत्यवान महाराज आणि त्यांच्या सहकाऱ्यांवर कठोर कारवाई करावी, अशी मागणी त्यांनी केली आहे. प्रशासनाने या गंभीर प्रकाराची चौकशी करून योग्य ती कारवाई करावी, अशी मागणी होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.