Beed Nandanvan Hostel: नंदनवन नव्हे छळछावणी! वसतिगृहात लहानग्यांना धुवायला लावले कपडे | Beed | Sakal News

बीड: बहुजन कल्याण मंत्रालयामार्फत राबवली जाणारी श्रीमंत राजे यशवंतराव होळकर योजना ही धनगर समाजातील गोरगरीब मुलांना शिक्षणाची संधी उपलब्ध करून देण्यासाठी सुरू करण्यात आली आहे. मात्र या योजनेचा गैरवापर होत असल्याचे गंभीर प्रकार समोर आले आहेत. शिरूर तालुक्यातील श्रृंगारवाडी येथे बाल नंदनवन इंग्लिश स्कूल अंतर्गत हंगामी वस्तीगृह सुरू करण्यात आले आहे. पण येथे शिकण्यासाठी आलेल्या लहान मुलांकडून कपडे धुणे, बाथरूम साफ करणे अशा कामांसाठी जबरदस्ती केली जात असल्याचा धक्कादायक प्रकार उघड झाला आहे.