२०१२ मधील पुणे जर्मन बेकरी बॉम्बस्फोट प्रकरणातील आरोपी बंटी जहागिरदार याच्यावर गोळीबार झाल्याची धक्कादायक घटना समोर आली आहे. २०२३ पासून जामिनावर बाहेर असलेला बंटी जहागिरदार आज श्रीरामपूर येथे कब्रस्तानातून बाहेर पडत असताना अज्ञात व्यक्तींनी त्याच्यावर गोळीबार केला. या थरारक घटनेचा व्हिडीओही समोर आला असून, परिसरात एकच खळबळ उडाली आहे. गोळीबारानंतर गंभीर जखमी झालेल्या बंटी जहागिरदारला तातडीने रुग्णालयात दाखल करण्यात आले. मात्र उपचारादरम्यान त्याचा मृत्यू झाल्याची माहिती मिळत आहे. घटनेची माहिती मिळताच पोलिसांनी घटनास्थळी धाव घेतली असून, परिसरात बंदोबस्त वाढवण्यात आला आहे. गोळीबारामागील नेमकं कारण काय, हल्लेखोर कोण होते आणि या घटनेचा काही जुना वाद किंवा गुन्हेगारी पार्श्वभूमीशी संबंध आहे का, याचा तपास पोलिसांकडून सुरू आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.