नांदेड शहरात निवडणूक वातावरणात तणाव निर्माण करणारी धक्कादायक घटना समोर आली आहे. प्रभाग क्रमांक १ मधील काँग्रेसच्या उमेदवार सारिका भालेराव यांच्या पती शिवाजी भालेराव यांच्यावर चार अनोळखी व्यक्तींनी तलवारीने हल्ला करण्याचा प्रयत्न केल्याची माहिती समोर आली आहे. पोलिसांकडून मिळालेल्या माहितीनुसार, दोन दुचाकींवरून आलेल्या चार हल्लेखोरांनी चेहऱ्यावर कापड बांधले होते. हल्लेखोरांनी अचानक हल्ला करण्याचा प्रयत्न केला मात्र सुदैवाने शिवाजी भालेराव यात जखमी झाले नाहीत. घटनेनंतर काँग्रेसकडून या हल्ल्यामागे राजकीय हेतू असल्याचा आरोप करण्यात आला आहे. काँग्रेसचे खासदार रवींद्र चव्हाण यांनी 'ही घटना निवडणुकीत दहशत माजवण्याचा प्रयत्न असून राजकीय हेतू स्पष्ट आहे,' असा आरोप केला आहे. हल्ल्यानंतर आरोपी दुचाकीवरून पळ काढताना दिसत असल्याचा सीसीटीव्ही फुटेज देखील समोर आला आहे. हा व्हिडिओ आता पोलिस तपासाचा महत्त्वाचा पुरावा ठरणार आहे. दरम्यान, पोलिसांनी परिसरातील सीसीटीव्ही फुटेज गोळा करून तपास अधिक वेगाने सुरू केला असून हल्लेखोरांचा शोध सुरू असल्याचे सांगितले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.