बीड जिल्ह्यातील GST विभागाचे अधिकारी सचिन जाधव यांच्या संशयास्पद मृत्यूप्रकरणाला आता नवं वळण मिळालं आहे. या प्रकरणात सचिन जाधव यांच्या पत्नी मयुरी जाधव यांनी दिलेल्या फिर्यादीत हुले कन्स्ट्रक्शन या कंपनीचा उल्लेख झाल्यानंतर खळबळ उडाली आहे. या आरोपांच्या पार्श्वभूमीवर हुले कन्स्ट्रक्शनकडून अधिकृत स्पष्टीकरण देण्यात आलं आहे. कंपनीचे प्रोप्रायटर विश्वनाथ हुले यांनी सर्व आरोप फेटाळून लावत स्पष्ट केलं आहे की, 'आम्ही कधीही कोणतेही बेकायदेशीर काम केलेलं नाही. तसेच संबंधित GST अधिकारी सचिन जाधव यांच्याशी आमचा कधीही कोणताही थेट किंवा अप्रत्यक्ष संबंध आला नाही.' विश्वनाथ हुले यांनी पुढे सांगितलं की, या संपूर्ण प्रकरणाची चौकशी बीड पोलीस करत असून सत्य लवकरच सर्वांसमोर येईल, असा त्यांना विश्वास आहे. दरम्यान, GST अधिकारी सचिन जाधव यांच्या संशयास्पद मृत्यूमुळे जिल्ह्यात मोठी खळबळ उडाली असून, या प्रकरणाचा तपास वेगाने सुरू आहे. चौकशीतून नेमकं काय समोर येतं, याकडे सर्वांचं लक्ष लागलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.