Yavatmal Farmer Loan Waive: कर्जमाफीची पहिली यादी जाहीर; यवतमाळच्या लाखो शेतकऱ्यांना दिलासा

यवतमाळ जिल्ह्यातील शेतकऱ्यांसाठी कर्जमाफीसंदर्भात महत्त्वाची बातमी समोर आली आहे. कर्जमाफीच्या पहिल्याच यादीत जिल्ह्यातील तब्बल 1 लाख 1 हजार 470 शेतकऱ्यांची नावे आल्याची माहिती आहे. त्यामुळे पात्र शेतकऱ्यांना मोठा दिलासा मिळण्याची शक्यता आहे. मात्र, दुसरीकडे जिल्ह्यातील सुमारे 35 हजार शेतकऱ्यांनी अद्याप ई-केवायसी प्रक्रिया पूर्ण केलेली नसल्याने त्यांची कर्जमाफीची प्रकरणे वेटिंगवर असल्याचे सांगण्यात येत आहे. त्यामुळे संबंधित शेतकऱ्यांनी आपली ई-केवायसी प्रक्रिया लवकरात लवकर पूर्ण करावी, असे आवाहन करण्यात आले आहे. कर्जमाफीच्या पहिल्या यादीत कोणत्या शेतकऱ्यांची नावे आली आहेत, ई-केवायसी न केल्यास काय परिणाम होऊ शकतो आणि वेटिंगवर असलेल्या शेतकऱ्यांनी काय करावे, याबाबतची महत्त्वाची माहिती जाणून घ्या.