Latur Women Constable: तरुणींना मारहाण करणाऱ्या कॉन्स्टेबलचा आणखी एक व्हिडीओ, वकिलासोबतही हुज्जत | Sakal News

लातूर शहरातील वाहतूक शाखेच्या महिला पोलीस कर्मचारी प्रणिती मुसने पुन्हा एकदा चर्चेत आल्या आहेत. काही दिवसांपूर्वी ट्रिपलसीट दुचाकीवरील तरुणींना कानाखाली मारल्याच्या घटनेमुळे त्या चर्चेत होत्या आणि आता त्यांचा आणखी एक नवा व्हिडीओ सोशल मीडियावर व्हायरल झाला आहे. या नव्या व्हिडीओमध्ये मुसने या एका वकील प्रवाशाशी वाद घालताना दिसत आहेत. व्हिडीओत त्या वकिलाला उद्देशून, तू दीड दमडीचा वकील, कुठे व्हिडीओ टाकायचा तिथे टाक, अशी अरेरावीची भाषा वापरताना दिसतात.