महाराष्ट्राच्या राजकारणात शिवसेना नेते भरत गोगावले आणि राष्ट्रवादी काँग्रेसचे सुनील तटकरे यांच्यातील वैर नवीन नाही. दोन्ही नेते एकाच जिल्ह्यातील, सत्तेत सोबत असले तरी त्यांच्या राजकीय संघर्षाने लोकसभा आणि विधानसभा निवडणुकांमध्ये अनेकवेळा उफाळून आलेले आरोप-प्रत्यारोप पाहायला मिळाले. आता या संघर्षाला नवं व्यासपीठ मिळालंय स्थानिक स्वराज्य संस्थांच्या निवडणुकांचं, जिथे प्रश्न प्रतिष्ठेचा आणि वर्चस्वाचा बनला आहे. महाडमध्ये सध्या परिस्थिती उलटलेली दिसते. सुनील तटकरे यांनी राजकीय डाव खेळत पाच पक्षांना एकत्र आणत महायुतीसारखं वातावरण तयार केलं, आणि त्यांचा हा निर्णय स्थानिक पातळीवर चर्चेत आहे. त्यामुळे एकच प्रश्न गोगावले आता एकटे पडले काय? तरीही, भरत गोगावले यांनीही आपली रणनीती पुढे रेटत प्रत्युत्तर दिल्याचं स्पष्ट होतंय. दोन्ही बाजूंकडून राजकीय गणितं, गाठीभेटी आणि संघटनशक्ती वाढवण्याचे प्रयत्न सुरू आहेत. एकंदरीत महाडमध्ये दोन्ही नेत्यांची प्रतिष्ठा पणाला लागलेली लढत आकार घेतेय आणि आगामी निकाल राजकीय समीकरणं बदलू शकतात.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.